बिलये कुटुंबियांना भाजपकडून मदत

95236

बिलये कुटुंबियांना
भाजपकडून मदत
सकाळ वृत्तसेवा
वेंगुर्ले, ता. ७ः तालुक्यातील कोचरा-रवळनाथवाडी येथील मधुकर उर्फ बंटी प्रदीप बिलये याचा दुचाकी अपघातात दुर्दैवी मृत्यू झाला. त्यामुळे त्याच्या कुटुंबावर दुःखाचा डोंगर कोसळला. बंटी हा एकमेव घरातील कमवता व्यक्ती असल्यामुळे त्या कुटुंबावर आभाळच कोसळले. सध्यस्थितीत त्याची आई, छोटी बहीण व आजी असा परिवार आहे. उत्पन्नाची कोणतीच बाजू नसल्यामुळे या कठीण प्रसंगात त्यांच्या कुटुंबाला आर्थिक हातभार लावण्याच्या दृष्टीकोनातून पालकमंत्री रवींद्र चव्हाण यांनी रोख रक्कम जिल्हाध्यक्ष प्रभाकर सावंत यांच्यामार्फत त्यांच्या कुटुंबीयांना सुपूर्द केली. यावेळी भाजप जिल्हा सरचिटणीस रणजित देसाई, जिल्हा उपाध्यक्ष प्रसन्ना उर्फ बाळू देसाई, तालुकाध्यक्ष सुहास गवंडळकर, माजी सभापती नीलेश सामंत, माजी सभापती वंदना किनळेकर, जिल्हा कार्यकारिणी सदस्य वसंत तांडेल, सरपंच संघटनेचे विष्णू उर्फ पपू परब, शक्तिकेंद्र प्रमुख नाथा मडवळ, अनुसूचित जाती मोर्चाचे गुरुप्रसाद चव्हाण, आपी फणसेकर, देवदत्त साळगावकर, युवा मोर्चाचे विनीत किनळेकर उपस्थित होते.