केळूस येथे १५ जुलैपासून नामदेव महाराज जन्मोत्सव

केळूस येथे १५ जुलैपासून
नामदेव महाराज जन्मोत्सव
सकाळ वृत्तसेवा
म्हापण, ता. ७ : प. पू. सद्‍गुरू नामदेव महाराजांचा ९६ वा जन्मोत्सव सोहळा केळूस येथे समाधिस्थानी १५ ते २१ जुलै या कालावधीत आयोजिला आहे. यानिमित्त विविध कार्यक्रमांचे आयोजन केले आहे. यामध्ये १५ जुलैला सकाळी ८ ते १० या वेळेत प. पू. नामदेव महाराज समाधीवर अभिषेक व पाद्यपूजा, सिद्ध महापुरुष चरणी एकादशमी, १० वाजता प्रफुल्ल रेवंडकर आणि सहकारी सिंधुदुर्ग यांच्या गायनाचा कार्यक्रम, दुपारी ११ वाजता महाआरती, १२ वाजता महाप्रसाद, १.३० वाजता विलास रेवंडकर आणि सहकारी (मुणगी) यांचा हरिपाठ, २.३० वाजता सद्‍गुरू नामदेव महाराज भक्त मंडळ सिंधुदुर्ग यांचे सुश्राव्य भजन, सायंकाळी ४ वाजता आंदुर्लाई प्रासादिक भजन मंडळ, आंदुर्ले यांचे सुश्राव्य भजन, ५ वाजता विठ्ठल-रखुमाई वारकरी भजन मंडळ, कालवी बंदर यांचे सुश्राव्य भजन, ६ वाजता म्हाळसाई प्रासादिक भजन मंडळाचे भजन, ७ वाजता तारादेवी भगवती प्रासादिक भजन मंडळ केळूस यांचे सुश्राव्य भजन, रात्री ८ वाजता महाराजांची आरती, ८ वाजता महाप्रसाद, विठ्ठल-रखुमाई भजन मंडळ, आंदुर्ले यांचे भजन, ९ वाजता ग्रामस्थांची भजने, १७ ला सायंकाळी ४ वाजता हरिपाठ, परमपूज्य नामदेव महाराज भक्त मंडळ सिंधुदुर्ग यांचे सुश्राव्य भजन, २१ ला सकाळी ८ वाजता प. पू. नामदेव महाराज समाधीवर अभिषेक व पाद्यपूजा, सिद्ध महापुरुष चरणी एकादशमी, ११ वाजता विलास रेवंडकर आणि सहकारी (मुणगी) यांचा हरिपाठ, दुपारी १२ वाजता महाआरती, २ वाजता प.पू. सद्गुरू नामदेव महाराज भक्त मंडळ सिंधुदुर्ग यांचे भजन, ३ वाजता ग्रामस्थांची भजने, आदी कार्यक्रम होणार आहेत. सर्वांनी या कार्यक्रमांचा लाभ घ्यावा, असे आवाहन मंडळाच्या वतीने केले आहे.

९५३४०