पाट महाविद्यालयात देसाई यांना अभिवादन

पाट महाविद्यालयात
देसाई यांना अभिवादन
म्हापण, ता. ७ : पाट येथील डॉ .विलासराव देसाई कला, वाणिज्य व विज्ञान महाविद्यालयात (कै.) डॉ. विलासराव देसाई द्वितीय स्मृतीदिन साजरा करण्यात आला.
या कार्यक्रमासाठी एस. के. पाटील शिक्षण प्रसारक मंडळ, पाट पंचक्रोशीचे उपाध्यक्ष डी. ए. सामंत, संस्था सचिव अवधूत रेगे, संस्था पदाधिकारी सुधीर ठाकूर, राजेश सामंत, नारायण तळवडेकर हे उपस्थित होते. एस. एल. देसाई विद्यालय आणि (कै.) सौ. एस. आर. पाटील कनिष्ठ महाविद्यालयाचे पर्यवेक्षक बोंदर उपस्थित होते. कार्यक्रमाचे प्रास्ताविक प्राचार्या सौ. ए. ए. शेटकर यांनी केले. महाविद्यालयातील विद्यार्थी वैभव केरकर याने आपले मनोगत व्यक्त केले. प्राध्यापक जी. एन. परब यांनी आपल्या मनोगतातून डॉ. विलासराव देसाई यांच्या स्मृतींना उजाळा दिला. आजच्या राष्ट्रीय शैक्षणिक धोरणानुसार बदलता अभ्यासक्रम आत्मसात करण्यासाठी पदवी शिक्षण कसे गरजेचे आहे, याबद्दल संस्था सदस्य सुधीर ठाकूर यांनी विद्यार्थ्यांना मार्गदर्शन केले. ध्येयनिश्चिती करून त्या ध्येयाचा पाठलाग करत विद्यार्थ्यांनी यश संपादन करावे, असे विचार कार्यक्रमाचे अध्यक्ष सामंत यांनी व्यक्त केले. सूत्रसंचालन प्राध्यापिका सौ. एस. एस. गोसावी यांनी, तर प्रा डी. एन. परब यांनी आभार मानले.

९५३४१