खोपी गोरेवाडी येथे हातभट्टीवर छापा

खोपी गोरेवाडी येथे
हातभट्टीवर छापा
खेडः खोपी गोरेवाडी येथील जंगलमय भागात विनापरवाना गावठी हातभट्टीवर पोलिसांनी कारवाई केली. या कारवाईत १० हजाराचा १०० लिटर गुळ नवसागर मिश्रीत रसायन जप्त केले. खेड पोलिसात संशयिताविरुद्ध गुन्हा दाखल केला आहे. बाबू बाळाजी गोरे (वय ३७, रा. खोपी गोरेवाडी, खेड) असे संशयिताचे नाव आहे. ही घटना शनिवारी (ता. ६) निदर्शनास आली. खोपी गोरेवाडी या परिसरात गावठी हातभट्टी सुरू असल्याची माहिती पोलिसांना मिळताच त्यांनी घटनास्थळी दाखल होऊन रसायन जप्त केले.
-----
ऐनवलीत शेततळ्याचे
प्लॅस्टिक कागद चोरीस
खेड : ऐनवली येथील एका शेतकऱ्याच्या शेततळ्याचे सुमारे १० हजाराचा प्लॅस्टिक काळा कागद चोरट्याने चोरून नेला. अनोळखी व्यक्तीविरुद्ध पोलिसात गुन्हा दाखल केला आहे. ही घटना शनिवारी (ता. ६) उघडकीस आली. शेतकऱ्याच्या मालकीच्या जमीन जागेत असलेले शेततळ्याचा प्लॅस्टिक कागदाचा अर्धा भाग चोरट्याने चोरून नेल्याचा प्रकार उघडकीस आला. या प्रकरणी फिर्यादी यांनी खेड पोलिसात तक्रार दिली. तक्रारीवरुन पोलिसांनी चोरट्यावर गुन्हा दाखल केला आहे.
------
कंटेनरच्या धडकेत
दुचाकीस्वार गंभीर
खेड : मुंबई-गोवा महामार्गावरील भोस्ते घाटानजीक कंटेनरला दुचाकीची धडक झाली. या अपघातात स्वार गंभीर जखमी झाला आहे. राहुल राजेंद्र रेडीज असे गंभीर जखमी स्वाराचे नाव आहे. खोपीफाटा येथे चौपदरीकरणाचे काम सुरू आहे. त्या ठिकाणाहून दुचाकीस्वार चुकीच्या बाजूने चिपळूणच्या दिशेने जात असताना चिपळूणहून मुंबईच्या दिशेने जाणाऱ्या कंटेनरला दुचाकीची धडक बसली. यात गंभीररित्या जखमी झालेल्या रेडीज यांच्या पायाला मोठी दुखापत झाली. अपघाताचे वृत्त कळताच मदत ग्रुपचे अध्यक्ष प्रसाद गांधी तातडीने घटनास्थळी पोहचून गंभीर जखमीस नजीकच्या खासगी रुग्णालयात उपचारासाठी दाखल केले.