सबस्क्राईब करा
95650
आमदार नाईकांकडून
नुकसानीची पाहणी
कुडाळमध्ये तलाठ्यांना पंचनाम्याच्या सूचना
सकाळ वृत्तसेवा
कुडाळ, ता. ८ ः पूरस्थितीमुळे कुडाळ तालुक्यात झालेल्या नुकसानीची आमदार वैभव नाईक यांनी आज पाहणी केली. ''एनडीआरएफ''च्या टीम समवेत पूरग्रस्त भागाला त्यांनी भेट दिली.
अतिवृष्टीमुळे तालुक्यात रविवारी (ता. ७) ठिकठिकाणी पूरस्थिती उद्भवल्याने नागरिकांच्या घरांमध्ये पाणी शिरून मोठे नुकसान झाले. पाण्याच्या मोठ्या प्रवाहामुळे शेतीचे देखील नुकसान झाले. आमदार नाईक यांनी आज पुन्हा तालुक्यात विविध ठिकाणी भेट देऊन नुकसानीची पाहणी करून आढावा घेतला. काही ठिकाणी पंचनामे झाले नाहीत, तेथे तलाठ्यांना पंचनाम्याच्या सूचना दिल्या.
आपद्ग्रस्त नागरिकांना तातडीने मदतकार्य करण्यात जिल्ह्याची आपत्ती व्यवस्थापन यंत्रणा कमी पडल्याने आमदार नाईक यांनी रविवारी संताप व्यक्त केला होता. जिल्हाधिकारी, तहसीलदार यांना त्याचा जाब विचारण्यात आला होता. त्यानंतर प्रशासनाकडून आज एन.डी.आर.एफ.ची टीम कुडाळ येथे पाठविण्यात आली. या टीमसोबत आमदार नाईक यांनी पावशी, हुमरमळा, डिगस, कसाल यांसह पूरस्थिती उद्भवलेल्या भागाची पाहणी केली. तसेच आपद्ग्रस्त नागरिकांना मदतकार्य करून त्यांची विचारपूस करण्यात आली. यावेळी संजय पडते, अमरसेन सावंत, बबन बोभाटे, बाळा कोरगावकर, राजू कविटकर, अजित परब, अतुल बंगे, कौशल जोशी, सचिन काळप, उदय मांजरेकर, अमित राणे, गुरु गडकर, गोट्या चव्हाण आदी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.