तळकट-बांदा मार्गावर पडलेले झाड हटविले

तळकट-बांदा मार्गावर पडलेले झाड हटविले

95751

तळकट-बांदा मार्गावर
पडलेले झाड हटविले
सकाळ वृत्तसेवा
कोलझर, ता. ८ः तळकट-बांदा मार्गावर पडलेले काजूचे झाड तळकट येथील युवकांनी श्रमदानातून बाजूला केले. दोन-तीन दिवस सुरू असलेल्या जोरदार पावसामुळे ठिकठिकाणी झाडे पडून नुकसान झाले. काहींच्या घरावर झाडे पडून तर काही ठिकाणी रस्त्यावर झाडे पडून वाहतूक खोळंबली होती. तळकट-बांदा मार्गावर तळकट-गोठणवाडी या ठिकाणी आज सकाळी काजूचे मोठे झाड पडून वाहतूक विस्कळीत झाली. याची माहिती तळकट सरपंच सुरेंद्र सावंत-भोसले यांना मिळताच त्यांनी आपल्या मित्र परिवारासह हे झाड बाजूला केले व वाहतूक सुरळीत केली. आज सोमवार असल्यामुळे बांदा आठवडा बाजारासाठी जाणाऱ्या वाहनांची दोन्ही बाजूंनी रांग लागली होती. हे झाड लागलीच बाजूला केल्यामुळे सरपंच सावंत-भोसले व त्यांचे सहकारी नारायण राऊळ, रजत देसाई, विकास सावंत, बंड्या राऊळ, साहिल नांगरे, प्रज्योत देसाई, चंद्रहास राऊळ, बाबल गवस आदींचे ग्रामस्थ व वाहनचालकांनी आभार व्यक्त केले.
.................
चौकट
धोकादायक झाडे तोडण्याची मागणी
तळकट-बांदा मार्गावर तळकट वनविभागाची झाडे उन्मळून रस्त्यावर पडण्याच्या स्थितीत आहे. यामुळे वाहतुकीस अडथळे होऊन अपघाताचीही शक्यता नाकारता येत नाही. ही धोकादायक झाडे वनविभागाने तत्काळ हटवावी, अशी मागणी ग्रामस्थांच्यावतीने तळकट सरपंच सुरेंद्र सावंत-भोसले यांनी केली आहे.
..............

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com