क्राईम

क्राईम

एसटीला धडक प्रकरणी
दुचाकीस्वाराविरुद्ध गुन्हा

रत्नागिरी ः शहराजवळील खेडशी-गयाळवाडी फाटा येथे निष्काळजीपणे दुचाकीस्वाराने एसटीला समोरून धडक दिली. या अपघातप्रकरणी स्वाराविरुद्ध शहर पोलिस ठाण्यात गुन्हा दाखल करण्यात आला आहे. सचिन मधुकर वाडकर (वय ३९, निळमणी आर्केड, गयाळवाडी, रत्नागिरी) असे संशयित स्वाराचे नाव आहे. ही घटना गुरूवारी (ता. ४) दुपारी घडली. पोलिसांकडून मिळालेल्या माहितीनुसार, संशयित वाडकर हे दुचाकी घेऊन रत्नागिरी ते हातखंबा असे जात असताना गयाळवाडी येथे दुचाकी निष्काळजीपणे चालवून रस्त्याच्या विरुद्ध बाजूस जाऊन हातखंबाहून येणाऱ्या एसटीला समोरून ठोकर दिली. यामध्ये स्वार वाडकर जखमी झाला. या प्रकरणी पोलिस हेडकॉन्स्टेबल महेंद्र खापरे यांनी शहर पोलिस ठाण्यात तक्रार दिली.
----------------
वडील रागावल्याने मुलाचा
गळफास घेण्याचा प्रयत्न

रत्नागिरी ः जिल्ह्यातील एक अल्पवयीन मुलगा पबजी गेम खेळत होता. त्यावरून त्याच्या वडिलांनी धाक दिला या रागातून त्याने आत्महत्या करण्याचा प्रयत्न केला. उपचारासाठी त्याला जिल्हा शासकीय रुग्णालयात दाखल करण्यात आले असून, त्याच्यावर उपचार सुरू आहेत. ही घटना मंगळवारी (ता. ९) सकाळी घडली. मिळालेल्या माहितीनुसार, मुलाला मोबाईलवर पबजी गेम खेळण्याचा नाद लागला होता म्हणून वडिलांनी कामावर जाता जाता गेम खेळू नकोस, असे सांगितले. याचा राग मनात धरून त्या मुलाने गळफास घेण्याचा प्रयत्न केला. घरातील मंडळींनी त्याची तत्काळ सोडवणूक केली. उपचारासाठी त्याला जिल्हा रुग्णालयात दाखल केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com