दमदार पावसाने शेतकरी लावणीत मग्न

दमदार पावसाने शेतकरी लावणीत मग्न

-rat११p१६.jpg -
२४M९६३३३
राजापूर ः लावणी केलेली भातशेती.
-rat११p१७.jpg ः
२४M९६३३४
भातलावणीसाठी सुरू असलेली चिखलणी.
-----------------

दमदार पावसाने शेतकरी लावणी कामात मग्न

राजापूर तालुका ; बाजारपेठेत मंदी, ६० टक्के लावणी पूर्ण
सकाळ वृत्तसेवा
राजापूर, ता. ११ : गेल्या काही दिवसांपासून पावसाने सातत्य राखल्याने शेतकरी सुखावला आहे. पावसामुळे लावणीसाठी आवश्यक पाणी उपलब्ध असल्याने लावणीच्या कामांनी वेग घेतला आहे. तालुक्यातील सुमारे साठ टक्के लावणीचे कामे पूर्ण झाले आहे. शेतीच्या कामांमध्ये शेतकरी गुंतल्याचा परिणाम येथील बाजारपेठेतील खरेदी-विक्रीच्या व्यवहारावर होऊन ते काहीसे मंदावले आहेत.
यावर्षी पावसाने दमदारपणे आगमन केले होते; मात्र त्यानंतर मध्यंतरी दडी मारली असली तरी भातपेरणीच्या कामांसाठी आवश्यक असलेले पाणी उपलब्ध झाल्याने पेरणीची कामे वेळेत पूर्ण झाली होती. मधल्या काळात पावसाने उसंत घेतल्याने शेतकऱ्‍यांनी नांगरणीची कामेही वेळेत झाली. गेल्या काही दिवसांपासून तालुक्यामध्ये चांगला पाऊस पडत आहे. त्यामुळे लावणीची कामे वेगाने सुरू आहेत. तालुक्यातील सुमारे साठ टक्के भातलावणीची कामे पूर्ण झाली आहेत. भातलावणीच्या कामांसाठी शेतकऱ्‍यांची शेतामधील लगबग वाढल्याने बाजारामध्ये खेरदीसाठी येणाऱ्या लोकांची वर्दळ मंदावली आहे. त्याचा परिणाम बाजारपेठेतील उलाढालीवर झाला आहे.
-----------
चौकट
गतवर्षीपेक्षा दोनशे मिमी जादा पाऊस

आजपर्यंत तालुक्यामध्ये यावर्षी १३४३ मिमी पाऊस पडल्याची नोंद झाली आहे. गतवर्षी याच दिवसापर्यंत १११२ मिमी. पाऊस पडल्याची नोंद झाली आहे. गतवर्षीच्या तुलनेमध्ये यावर्षी दोनशे मिमी जादा अन् समाधानकारक पाऊस पडल्याचे चित्र आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com