कट्टा नाथ पै सेवांगणतर्फे ''एनएमएमएस'' वर्ग सुरू

03722

कट्टा नाथ पै सेवांगणतर्फे
‘एनएमएमएस’ वर्ग सुरू

सकाळ वृत्तसेवा
मालवण, ता. ११ : बॅ. नाथ पै सेवांगण कट्टा येथे शिष्यवृत्ती मार्गदर्शन वर्ग गेली २२ वर्षे सुरू आहे. यावर्षीपासून आठवीसाठी एनएमएमएस वर्गाचा प्रारंभ मान्यवरांच्या उपस्थितीत करण्यात आला. या वर्गासाठी ४५ विद्यार्थ्यांची निवड करण्यात आली.
दीपक भोगटे यांनी उपक्रमाची माहिती देताना पालकांनी आपल्या मुलांना नियमितपणे क्लासला उपस्थित ठेवणे आवश्यक आहे. त्या दृष्टीने सहकार्य करावे, असे आवाहन केले. प्रसाद परुळेकर यांनी ही परीक्षा उत्तम गुणांनी उत्तीर्ण झाल्यास बारावीपर्यंत दरमहा १ हजार रुपये शिष्यवृत्ती मिळणार असल्याने विद्यार्थ्यांनी मेहनत घ्यावी, असे सांगितले. बाळकृष्ण नांदोसकरस, धानजी चव्हाण, सौ. जांभवडेकर यांनी ‘एनएमएमएस’बाबत मार्गदर्शन केले. या वर्गाचे प्रमुख मार्गदर्शक मनोज काळसेकर यांनी वर्षभराच्या नियोजनाची माहिती दिली. टी. एस पेडणेकर यांनी बुद्धिमता विषयाचे मार्गदर्शन केले. यावेळी श्री. पेडणेकर, बापू तळवडेकर, दीपक भोगटे, किशोर शिरोडकर, प्रसाद परुळेकर, धानजी चव्हाण, अनुप शिरोडकर, बाळकृष्ण नांदोसकर, मनोज काळसेकर, सौ. जांभवडेकर आदी उपस्थित होते.