गोखले विद्यालयात विद्यार्थ्यांनी बनवली नानकटाई

-rat२७p१९.jpg-
OP२४N०७३२४
राजापूर ः धाऊलवल्लीतील गोखले विद्यालयात विद्यार्थ्यांनी नानकटाई बनविण्याचे प्रशिक्षण घेतले. याप्रसंगी उपस्थित शिक्षक आणि विद्यार्थी.
-----------

विद्यार्थ्यांनी बनवली नानकटाई

गोखले विद्यालयात किचन कट्टा उपक्रम

सकाळ वृत्तसेवा
पावस, ता. २७ ः राजापूर तालुक्यातील धाऊलवल्ली येथील (कै.) सौ. आनंदीबाई कृष्णाजी गोखले विद्यालयात व्यवसायपूर्व शिक्षणातील गृह आरोग्य विभागाने किचन कट्टा या घटकात विद्यार्थ्यांना खमंग नानकटाई बनविण्याचे प्रशिक्षण दिले.
गृह आरोग्य विभागाच्या निदेशिका अश्विनी राणे यांनी किचन कट्टा घटकात मुलांना खमंग नानकटाई कशी करावी याचे प्रात्यक्षिक दाखवले आणि मुलांकडून नानकटाई बनवून घेतली. हा अभ्यासक्रम राबवत असताना प्रशालेतील मुलींबरोबरच मुलेही आवडीने सहभागी होतात. यामध्ये केक, शेंगदाणा लाडू, चिक्की, राजगिरा लाडू, सॅलेड, सॅण्डवीच, खजूर चटणी, टॉमेटो सॉस, तिळगुळ असे विविध पदार्थ शिकविले जातात. त्यामुळे किचन कसे सांभाळावे, साहित्य कसे हाताळावे, तसेच छोट्या-छोट्या टिप्सही मुलांना सांगितल्या जातात. तयार झालेल्या मालाचा खर्च व त्याचा विक्री दर कसा ठरवावा हे ही मुलांना शिकविले जाते. यासाठी संस्थाध्यक्ष एस. आर. गोखले, चेअरमन के. पी. गोखले, पदाधिकारी यांचे मार्गदर्शनही महत्वपूर्ण ठरते. मुलांना एस. आर. कोकरे, मुख्याध्यापिका श्रीमती हरचकर, सहाय्यक शिक्षिका सौ. हळदणकर यांचे मोलाचे सहकार्य मिळते.