छत्रपतींच्या पुतळ्याला कणकवलीत दुग्धाभिषेक

07327

छत्रपतींच्या पुतळ्याला
कणकवलीत दुग्धाभिषेक

ठाकरे गटाचे सरकारविरोधात आंदोलन

कणकवली, ता.२७ : शहरातील छत्रपती शिवाजी महाराज चौकातील शिवरायांच्या पुतळ्याला आज शिवसेना ठाकरे गटाकडून भर पावसात दुग्धाभिषेक करत पुष्पहार अर्पण करण्यात आला. यावेळी ठाकरे गटाकडून राज्य सरकारविरोधात जोरदार घोषणाबाजी करत निषेध करण्यात आला. तसेच ‘‘छत्रपती शिवाजी महाराज की जय’’च्या घोषणा देत छत्रपतींचा जयघोष करण्यात आला. दुग्‍धाभिषेक कार्यक्रमावेळी शिवसेना ठाकरे गटाचे कणकवली विधानसभा प्रमुख सतीश सावंत, युवा सेना जिल्हाप्रमुख सुशांत नाईक, तालुकाप्रमुख कन्हैया पारकर, तेजस राणे, युवासेना उपतालुकाप्रमुख सचिन आचरेकर, सुदाम तेली, सी. आर. चव्हाण, राजू राठोड, प्रसाद अंधारी, मंगेश सावंत, महेश कोदे आदी उपस्थित होते.