एक बुडाला

भंडारपुळे समुद्रात
एक बुडाला
रत्नागिरी, ता. २७ : गणपतीपुळेजवळील भंडारपुळे येथे मासे पकडण्यास गेलेला एकजण समुद्रात बुडाला. शोध घेतल्यानंतर त्याचा मृतदेह उशिरा सापडला. नौशिन नजीर पेवेकर (३८, रा. मजगाव, रत्नागिरी) असे त्याचे नाव आहे. मंगळवारी सायंकाळी साडेसात ते आठ वाजण्याच्या दरम्यान हा प्रकार घडला.
आज सायंकाळी मजगाव येथील तीन-चारजण मासे पकडण्यासाठी भंडारपुळे येथे गेले होते. तेथे मासा पकडण्याच्या नादात नौशिन पेवेकर तोल जाऊन पाण्यात पडले. त्यांच्या सहकाऱ्यांनी त्यांना पकडण्याचा बराच प्रयत्न केला. मात्र, त्यांना यश आले नाही आणि त्यात नौशिन बुडाले. या घटनेची माहिती समजल्यानंतर समुद्रात शोध घेण्यात आला. घटना घडल्यानंतर दोन तासांनी नौशिन यांचा शोध लागला. या घटनेबद्दल तातडीने पोलिसांनाही माहिती देण्यात आली.