खरीप पीक स्पर्धेला २ सप्टेंबरपर्यंत मुदतवाढ

खरीप पीक स्पर्धेला
सोमवारपर्यंत मुदतवाढ

पावस, ता. ३० ः कृषी विभाग खरीप पीक स्पर्धेत सहभागी होण्याची मुदत २ सप्टेंबरपर्यंत वाढवण्यात आली आहे. भात व नाचणी पिकामध्ये नावीन्यपूर्ण प्रयोग करणाऱ्या शेतकऱ्यांनी या योजनेत सहभाग घ्यावा. या योजनेमधून राज्यस्तरीय, जिल्हास्तरीय व तालुकास्तरीय असे क्रमांक निवडले जातात. यासाठी भातक्षेत्र कमीत कमी ०.२० आर. क्षेत्र असावे व नाचणी क्षेत्र ०.४० आर क्षेत्र असावे. तालुकास्तर, जिल्हास्तर आणि राज्यस्तरीय स्पर्धेतील विजेत्यांना रोख रक्कम बक्षीस म्हणून देण्यात येणार आहे.
यासाठी विहित नमुन्यातील अर्ज, शुल्क भरल्याचे चलन, सातबारा, आठ अ, आधारकार्ड व बँक पासबुकाची झेरॉक्स जोडणे गरजेचे आहे. याबाबत अधिक माहितीसाठी कृषी सहाय्यक, तालुका कृषी अधिकारी कार्यालय यांच्याशी संपर्क साधावा. जास्तीत जास्त शेतकऱ्यांनी खरीप स्पर्धेमध्ये सहभाग घ्यावा, असे आवाहन जिल्हा कृषी अधीक्षक जालिंदर पांगरे यांनी केले आहे.