‘कोरे’ दुपदरीकरणाची मागणी

‘कोरे’ दुपदरीकरणप्रश्‍नी
आज मुंबईमध्ये बैठक
कणकवली ः अखंड कोकण रेल्वे प्रवासी सेवा समितीतर्फे कोकण रेल्वेच्या दुपदरीकरणासह विविध मागण्यांसाठी आंदोलन होणार आहे. याअनुषंगाने मुंबईत बैठकीचे आयोजन केले आहे. मुंबईत उद्या (ता.१) ही बैठक दुपारी ३ ते सायंकाळी ५ यावेळेत होणार आहे. कोकण रेल्वेवरील स्थानकांचा विकास कूर्मगतीने सुरू आहे. तो गतीमान करावा, रेल्वे मार्गाचे दुहेरीकरण करावे, कोकण रेल्वेला थेट अर्थसंकल्पीय निधी मिळण्यात अडचण का येते? कोकण रेल्वेचे स्वतंत्र महामंडळ आहे. मात्र, कोकण रेल्वेचे भारतीय रेल्वेत विलीनीकरण व्हावे या महत्वाच्या मागणीला वाचा फोडण्यासाठी ही बैठक होणार आहे. या वेळी कोकण रेल्वे प्रवासी सेवा संघ ठाणे, अखिल कोकण विकास महासंघ, निसर्गरम्य चिपळुण संगमेश्वर, जल फाउंडेशन खेड, कोकण रेल्वे प्रवासी संघटना, सावंतवाडी. मुंबई-गोवा महामार्ग जनआक्रोश समिती, मराठा ऑर्गनायझेशन, गणेशभक्त कोकणवासीय प्रवासी संघ मुंबई, वैभववाडी तालुका विकास मंच मुंबई, दोडामार्ग तालुका विकास मंडळ मुंबई, खोक्रल ग्राम विकास मंडळ मुंबई आणि जनजागृती सेवा संस्था आधी संघटनांचे प्रतिनिधी यावेळी उपस्थित राहणार आहेत.