निता बोढरे ठरल्या सर्वाधिक पुरस्कार विजेत्या शिक्षिका

-rat१p२१.jpg-
P२४N१५३५९
नीता बोढरे
-------------
नीता बोढरेंना सर्वाधिक पुरस्कार प्राप्त

शिक्षण परिषदेची व्हिडिओ निर्मिती स्पर्धा; मंडणगड तालुक्याचा गौरव

सकाळ वृत्तसेवा
मंडणगड, ता. १ ः दर्जेदार व्हिडिओ निर्मिती स्पर्धेत म्हाप्रळ शाळेच्या उपशिक्षिका नीता वाल्मिक बोढरे-दारूंटे यांनी यश संपादन केले. संपूर्ण राज्यात सर्वाधिक बक्षीस मिळवलेल्या स्पर्धक शिक्षिका म्हणून त्यांचा गौरव झाला आहे.
शिक्षण परिषदेने शालेय शिक्षणाचा दर्जा वाढावा व शाळेत गुणवंत विद्यार्थी घडावेत या अनुषंगाने सहा गटांमध्ये २८ विषयांमध्ये ही स्पर्धा घेण्यात आली होती. पहिली ते दुसरीमध्ये भाषा, गणित, इंग्रजी; तिसरी ते पाचवी भाषा, इंग्रजी, परिसर अभ्यास; सहावी ते आठवी भाषा, गणित, इंग्रजी, विज्ञान, सामाजिक शास्त्रे; नववी ते दहावी भाषा, गणित, इंग्रजी, विज्ञान, सामाजिक शास्त्रे या विषयांची परीक्षा झाली. यामध्ये तिसरी ते पाचवी परिसर अभ्यास हा विषय वगळता तालुकास्तरावर उर्वरित १५ विषयात प्रथम क्रमांक मिळाला आहे. त्याचबरोबर जिल्हास्तरीय स्पर्धेत सात प्रथम क्रमांक, तीन द्वितीय क्रमांक व सहा विषयात तृतीय क्रमांक मिळवले आहेत. स्पर्धेतील सर्वच्या सर्व म्हणजे २८ विषय विभागांमध्ये सहभागी होणाऱ्या त्या एकमेव स्पर्धक शिक्षिका आहेत. याचबरोबर तालुक्यातील पंदेरी शाळेचे शिक्षक मेघराज पवार व पडवे शाळेचे शिक्षक युवराज पवळे या दोघांनाही तिसरी व पाचवीच्या परिसर अभ्यासात अनुक्रमे प्रथम व द्वितीय क्रमांक मिळाला आहे.