देवगड बर्वे ग्रंथालय अध्यक्षपदी परुळेकर

टीपः swt221.jpg मध्ये फोटो आहे.
गुरुदेव परुळेकर

देवगड बर्वे ग्रंथालय
अध्यक्षपदी परुळेकर
सकाळ वृत्तसेवा
देवगड, ता. २ ः येथील उमाबाई बर्वे ग्रंथालयाच्या अध्यक्षपदी गुरुदेव परुळेकर यांची निवड झाली. ग्रंथालयाच्या वार्षिक सर्वसाधारण सभेत २०२४ ते २०२९ या पाच वर्षांसाठी ग्रंथालयाची नूतन कार्यकारिणी निवडण्यात आली. येथील उमाबाई बर्वे ग्रंथालयाची वार्षिक सर्वसाधारण सभा मावळते अध्यक्ष सागर कर्णिक यांच्या अध्यक्षतेखाली झाली. या वर्षी संचालक मंडळाची मुदत संपल्याने पुढील पाच वर्षांसाठी निवडणूक कार्यक्रम घेण्यात आला. ग्रंथालयाच्या ९ जागांसाठी ९ उमेदवारांची बिनविरोध निवड झाली. त्यानंतर ग्रंथालयाच्या पहिल्या सभेमध्ये गुरुदेव परुळेकर यांची अध्यक्षपदासाठी निवड करण्यात आली. उर्वरित पदाधिकाऱ्यांमध्ये उपाध्यक्ष उत्तरा जोशी आणि गणेश बांदकर, कार्यवाह तथा खजिनदार सीताराम पाटील, संचालक-सदस्य दत्तात्रय जोशी, महेश खोत, मधुरा कुबल, गौरव गोगटे आणि अभिराम देसाई यांची निवड करण्यात आली. निवडणूक निर्णय अधिकारी म्हणून संतोष पाटकर यांनी काम पाहिले. यावेळी नूतन अध्यक्ष परुळेकर यांनी, ‘उमाबाई बर्वे ग्रंथालयाला वाचनसंस्कृतीची ८४ वर्षांची परंपरा आहे. तेव्हापासून आतापर्यंत ग्रंथालयाचे स्थानिक वाचन चळवळीत व सांस्कृतिक उपक्रमात मोठे योगदान आहे, ही परंपरा अशीच पुढे चालू ठेवू आणि ग्रंथालयाचे उपक्रम लोकांपर्यंत नेण्याचा अधिकाधिक प्रयत्न करू,’ असे सांगितले.