भगवती देवीला चांदीचा मुखवटा

-rat३p३३.jpg-
24N16201
लांजा ः विकास शेट्ये यांनी श्री देवी भगवतीसाठी बनवलेला चांदीचा मुखवटा.
--------
भगवती देवीला चांदीचा मुखवटा

लांजा, ता. ४ ः शहरातील वैश्य बांधवांचे आराध्य दैवत आणि शेट्ये घराण्याची कुलस्वामिनी असलेल्या श्री देवी भगवतीला यावर्षी देवीचे भक्त विकास शेट्ये यांनी दोन किलोचा चांदीचा मुखवटा स्वखर्चाने बनवला आहे. या मुखवट्याची गुरूवारी सकाळी मिरवणूक काढण्यात आली.
वैश्य समाजातील (कै.) विष्णू भाई शेट्ये यांच्या प्रेरणेतून ४० वर्षांपूर्वी श्री देवी भगवतीच्या नवरात्रोत्सवाला सुरवात झाली. सद्यःस्थितीत हा उत्सव अतिशय दिमाखात साजरा केला जातो. श्री देवी भगवतीचे २७ मे १९८४ ला मंदिर बांधून तिची प्रतिष्ठापना करण्यात आली आहे. शेट्ये यांनी गतवर्षी २ किलो चांदीचे हात, पाय व हार बनवले होते. यावर्षी त्यांनी वृंदा विकास शेट्ये यांना मिळालेल्या प्रेरणेमुळे चांदीचा २ किलोचा मुखवटा बनवला आहे. देवीच्या या चांदीच्या मुखवट्याची गुरूवारी सकाळी ८ वा. वाजतगाजत मिरवणूक काढण्यात आली.