जनाबाईमुळे इतिहास लेखन

-rat४p२४.jpg-
२४N१६२४७
रत्नागिरी : स्वामी स्वरूपानंद सेवा मंडळाच्या अध्यक्षा शिल्पा पटवर्धन यांचा सत्कार करताना शीतल काळे. सोबत पदाधिकारी.
-----------

संत जनाबाईंमुळे इतिहास संकलन

श्रीनिवास पेंडसे ः अध्यात्म मंदिरात व्याख्यानमाला

सकाळ वृत्तसेवा
रत्नागिरी, ता. ४ : संत जनाबाई ही कृष्णभक्त होती. जनाबाईमुळे इतिहासाचे संकलन झाले. जनाबाईमुळे ज्ञानेश्वर, मुक्ताबाई यांच्या जन्माचा काळ कळला. यादवकालीन स्त्री संतांमध्ये संत जनाबाईंचे नाव घेतले जाते, असे प्रतिपादन श्रीनिवास पेंडसे यांनी केले. स्वामी स्वरूपानंद सेवा मंडळातर्फे (पावस, रत्नागिरी) वरची आळी येथील अध्यात्म मंदिरात संत जनाबाईंच्या ६७५व्या समाधी वर्षानिमित्त नामयाची जनी या विषयावर ते बोलत होते.
ते म्हणाले की, संतांनी समाजाला जागृत करण्याचे काम केले आहे. ज्ञानदेवांनी भागवत धर्माचा पाया घातला. संत नामदेवांनी केवळ महाराष्ट्रातच नाही तर राजस्थान, ओरिसा, मध्यप्रदेश, हिमाचलप्रदेश, उत्तरप्रदेश, उत्तराखंड या राज्यात प्रवास केला आहे. नामदेवांनी चार परिक्रमा केल्या आहेत. राजस्थानमध्ये नामदेवांची ५२ मंदिरे आहेत. श्रीनिवास पेंडसे यांचा सत्कार हृषिकेश पटवर्धन यांनी केला. या प्रसंगी स्वामी स्वरूपानंद सेवा मंडळाच्या अध्यक्षा शिल्पा पटवर्धन, कार्यवाह हृषिकेश पटवर्धन, खजिनदार अमर देसाई, नवनिर्वाचित सदस्य डॉ. शरदचंद्र जोशी यांचा सत्कार शीतल काळे यांनी केला. कार्यक्रमाचे सूत्रसंचालन प्रसाद वैद्य यांनी केले तर विवेक भावे यांनी आभार मानले.