रत्नागिरीत सोमवारी महिला सशक्तीकरण मेळावा

रत्नागिरीत सोमवारी महिला मेळावा
रत्नागिरी : मुख्यमंत्री-माझी लाडकी बहीण योजनेंतर्गत महिला सशक्तीकरण अभियान जिल्हास्तरीय मेळावा सोमवारी (ता. ७) येथील प्रमोद महाजन क्रीडासंकुल येथे होणार असल्याची माहिती जिल्हा महिला व बालविकास अधिकारी श्रीकांत हावळे यांनी दिली. मुख्यमंत्री-माझी लाडकी बहीण योजना, महिला सशक्तीकरण योजना व महिलांच्या संबंधित राबवण्यात येत असलेल्या इतर योजना महिलांपर्यंत पोहोचवण्यासाठी पालकमंत्री उदय सामंत यांच्या अध्यक्षतेखाली जिल्ह्यात ५ हजार महिलांचा महिला सशक्तीकरण व सक्षमीकरणाचा एक मार्गदर्शक मेळावा आयोजित करण्यात आला आहे.