सुप्रिया केरकर ठरल्या पैठणीच्या मानकरी

सुप्रिया केरकर ठरल्या पैठणीच्या मानकरी
वेंगुर्ले, ता. ९ ः वेंगुर्ले तालुका उद्धव बाळासाहेब ठाकरे शिवसेनेच्यावतीने नवरात्रोत्सवानिमित्त आयोजित करण्यात आलेल्या खेळ पैठणीचा स्पर्धेत वेंगुर्ले वडखोल येथील सुप्रिया केरकर विजेत्या ठरल्या. उपविजेत्या शहरातील राऊळवाडा येथील मेघना राऊळ यांचा नथ देऊन व तृतीय क्रमांक प्राप्त अक्षरा गोखरणकर यांचा टेबल फॅन देऊन सन्मान करण्यात आला. या स्पर्धेत ४५ महिलांनी सहभाग घेतला. या स्पर्धेचे बक्षीस वितरण माजी नगराध्यक्ष संदेश निकम, शहरप्रमुख अजित राऊळ, माजी नगरसेविका सुमन निकम, साक्षी चमणकर, कोमल सरमळकर, राजश्री मरये, सुरेश भोसले, विवेक आरोलकर, सुजित चमणकर, हेमंत मलबारी, सचिन मांजरेकर, सुहास मेस्त्री, डेलीन डिसोजा आदींच्या उपस्थितीत केले.