सिंधुदुर्गनगरीत युवा महोत्सव

सिंधुदुर्गनगरीत
युवा महोत्सव
सिंधुदुर्गनगरी ः जिल्हा क्रीडा अधिकारी कार्यालयातर्फे २०२४-२५ या वर्षातील जिल्हास्तर युवा महोत्सव २१ नोव्हेंबरला जिल्हा नियोजन समिती हॉल सिंधुदुर्गनगरी (नवीन) येथे आयोजित करण्यात असल्याचे जिल्हा क्रीडा अधिकारी विद्या शिरस यांनी कळविले आहे. राष्ट्रीय युवा महोत्सव २०२४-२५ मध्ये संकल्पना आधारित बाबींसाठी ‘विज्ञान व तंत्रज्ञान यामधील नवसंकल्पना’ ही संकल्पना आहे. या संकल्पनेवर आधारीत जिल्हा युवा महोत्सवात विविध उपक्रम आयोजित करण्यात येणार आहेत. राज्यात २०२४-२५ या वर्षातील युवा महोत्सवाचे आयोजन क्रीडा व युवक सेवा संचालनालय महाराष्ट्र राज्य पुणे व जिल्हा क्रीडा अधिकारी कार्यालय सिंधुदुर्गतर्फे केले जाणार आहे. सांस्कृतिक-समूह लोकनृत्य, वैयक्तिक सोलो लोकनृत्य, लोकगीत, वैयक्तिक लोकगीत. कौशल्य विकास-कथा लेखन, चित्रकला, वक्तृत्व स्पर्धा, कविता स्पर्धा. संकल्पना आधरित स्पर्धा-विज्ञान व तंत्रज्ञान यामधील नवसंकल्पना. युवा कृती - हस्तकला, वस्त्रोद्योग, अॅगो प्रोडक्ट यावर आधारीत स्पर्धा होणार आहेत. १५ ते २९ वयोगटातील युवक-युवतींना सहभागी होता येईल. क्रीडा अधिकारी कार्यालयाशी संपर्क साधावा.