वक्तृत्व स्पर्धेत मृणाल पाटील प्रथम

18528

वक्तृत्व स्पर्धेत मृणाल पाटील प्रथम
कणकवली, ता. १४ः रोटरी क्लब कणकवली आणि सीताराम कुडतरकर यांच्या सौजन्याने येथील विद्यामंदिरतील माध्यमिक, प्राथमिक आणि इंग्रजी विभागात वक्तृत्व स्पर्धेचे आयोजन करण्यात आले. ही वक्तृत्व स्पर्धा दादा कुडतरकर यांच्या मातोश्री (कै.) रमाबाई कुडतरकर यांच्या स्मरणार्थ आयोजित केली होती. या स्पर्धेत विद्यामंदिर माध्यमिक विभागातून ५ वी ते ७वी गटात मृणाल पाटील हीने प्रथम, मनिष डांगमोडेकर हीने दुसरा तर आरोही मेस्त्री हीने चिसरा क्रमांक पटकावला. उत्तेजनार्थ आदित्य पोतदार यांची निवड झाली.
स्पर्धेतील विजेत अनुक्रमे असेः आठवी ते दहावी शरयू पोतदार, कर्तृत्वा हरकुळकर,आर्यन चाळके आणि उत्तेजनार्थ बुद्धीकेश डांगमोडेकर. इंग्रजी विभाग पाचवी ते सातवी विजय चव्हाण, सक्षम सातदिवे,सावी मुळे आणि उत्तेजार्थ स्वरा महादेश्वर, आठवी ते दहावी गार्गी सावंत,अथर्व डावरे, दत्तप्रसाद प्रसाई आणि उत्तेजनार्थ राघवी वाळके तसेच प्राथमिक विभाग - आरोही ठाकूर,जाधव, रितेश पाटील आणि उत्तेजनार्थ कबिर आडोळे यांनी यश पटकावले.
या स्पर्धेला प्रशालेतून ३०० स्पर्धकांनी सहभाग नोंदविला होता. याचे आयोजन पर्यवेक्षिका वृषाली जाधव, पी. पी. सावंत, एस. एल. कदम यांनी केले. यावेळी प्रशालेचे मुख्याध्यापक डॉ. पी. जे. कांबळे, ज्येष्ठ शिक्षक अच्युतराव वनवे, स्पर्धेचे प्रायोजक दादा कुडतरकर, रोटरीचे अध्यक्ष प्रा. जगदिश राणे, डॅा विद्याधर तायशेट्ये, दिपक बेलवलकर आदी उपस्थित होते. निवेदन राजेश सिंगनाथ यांनी केले.