हिट अँड रन प्रकरणातील संशयित अद्याप पसारच

हिट अँड रन प्रकरणातील
संशयित अद्याप पसारच

सकाळ वृत्तसेवा
बांदा, ता. २२ ः येथे घडलेल्या हिट अँड रन प्रकरणातील संशयित डॉमनिक आंतोन फर्नाडिस (रा. सातार्डा) घटनेला चार दिवस होत आले तरी अद्यापही फरारच आहे. सिंधुदुर्ग पोलिसांचे पथक त्याच्या माघावर असून तो पोलिसांना गुंगारा देत आहे. गेले चार दिवस पोलिस यंत्रणा त्याच्या माघावर असून तो पोलिसांना गुंगारा देण्याचे काम करीत आहे. त्याचे मोबाईल लोकेशन काढले असता पेडणे, म्हापसा, दोडामार्ग व तळकट परिसरात आढळून येत असल्याचे गोपनीय सूत्रांनी सांगितले. मात्र, मोबाईल बंद करत असल्याने त्याचा थांगपत्ता लावण्यात पोलिस अपयशी ठरत आहेत. आज बांदा शहरातील नागरिकांनी परत बांदा पोलिस ठाण्यात हजेरी लावत त्याला तातडीने पकडा, अशी मागणी केली.