-खल्वायनची पाडवा मैफल राजाभाऊ शेंबेकर रंगविणार

-rat३०p२६.jpg-
२४N२२२७५
राजाभाऊ शेंबेकर
----------
खल्वायनची पाडवा मैफल शेंबेकर रंगविणार
सकाळ वृत्तसेवा
रत्नागिरी, ता. ३० ः रत्नागिरी येथील खल्वायन संस्थेची २७ वर्षे सातत्याने होणारी दिवाळी पाडवा विशेष संगीत मैफल २ नोव्हेंबरला सायंकाळी ५ ते ७ या वेळेत गुरूकृपा मंगल कार्यालयात होणार आहे. ही मैफल चिपळूणचे कोकण गंधर्व राजाराम श्रीराम उर्फ राजाभाऊ शेंबेकर यांच्या भक्तीभाव-नाट्यसंगीताने रंगणार आहे.
राजाभाऊ शेंबेकर यांचे संगीत विशारदपर्यंतचे शिक्षण अखिल भारतीय गांधर्व महाविद्यालय येथे झाले आहे. संगीत एकच प्याला, संगीत कट्यार काळजात घुसली, संगीत स्वयंवर या नाटकांमध्ये त्यांनी भूमिका तसेच संगीत मार्गदर्शन व ऑर्गनसाथही केली आहे. गांधर्व महाविद्यालयाचा संगीतकार पुरस्कार, आंतरराष्ट्रीय लायन्स संघटनेचा गौरव पुरस्कार प्राप्त झाले असून, नुकताच त्यांना बालगंधर्व रंगसेवा पुरस्काराने सन्मानित करण्यात आले आहे. पाडवा मैफलीला तबलासाथ हेरंब जोगळेकर, हार्मोनियमसाथ श्रीरंग जोगळेकर, पखवाज साथ मंगेश चव्हाण, व्हायोलिनसाथ उदय गोखले, तालवाद्यसाथ सुहास सोहनी करणार आहेत. मैफलीला रसिकांनी उपस्थित राहावे, असे आवाहन संस्थाध्यक्ष मनोहर जोशी यांनी केले आहे.