रमेश भाटकर उत्सवी नाट्य स्पर्धेचे थाटात उदघाटन

25766

रमेश भाटकर उत्सवी
नाट्य स्पर्धेचे उद्‍घाटन
रत्नागिरी, ता. १७ : तालुक्यातील गोळप येथील श्रीदेव हरिहरेश्वर देवस्थानच्या रंगमंचावर (कै.) रमेश भाटकर स्मृती उत्सवी स्पर्धेतील नाटकाचे पहिले पुष्प रंगतदार झाले. अखिल भारतीय मराठी नाट्य परिषदेच्या रत्नागिरी शाखेच्या या उपक्रमाला उत्तम प्रतिसाद लाभला.
यावेळी अखिल भारतीय मराठी नाट्य परिषदेच्या रत्नागिरी शाखेचे कार्याध्यक्ष समीर इंदुलकर, सनातन रेडीज, संतोष सनगरे, सुधाकर बेहेरे, दादा कदम, विजय पोकळे, सचिन काळे, दीपक माणगावकर, आदी उपस्थित होते.
स्पर्धेचे उद्‍घाटन कार्याध्यक्ष समीर इंदुलकर यांच्या हस्ते श्रीफळ वाढवून करण्यात आले. नाट्य परिषदेच्या वतीने सौ. अनुया बाम यांनी नाटककार सौ. प्रज्ञा रायकर-जोशी यांचे नवे कोरे नाटक ''काहीतरी वेगळ'' उत्सवासाठी लिहिल्याबद्दल गुलाबपुष्प देऊन कौतुक केले. समीर इंदुलकर यांनी स्पर्धेत सहभागी झाल्याबद्दल श्रीदेव हरिहरेश्वर नाट्यमंडळाला सहभागाचे मानचिन्ह सन्मानपूर्वक बहाल केले. उत्सव मंडळानेही श्री. इंदुलकर यांचा शाल, श्रीफळ आणि पुष्पगुच्छ देऊन सन्मान केला. त्यानंतर नाट्यप्रयोग सादर झाला. विशेष म्हणजे या सर्व उत्सवी रंगकर्मींना प्रोत्साहन देण्यासाठी येथील ज्येष्ठ रंगकर्मी भाग्येश खरे, गोपाळ जोशी, सचिन काळे, मनोहरपंत जोशी, प्रदीप तेंडुलकर, आदींनी उपस्थिती लावली.