मालवणात आजपासून विविध धार्मिक कार्यक्रम

मालवणात आजपासून
विविध धार्मिक कार्यक्रम

सकाळ वृत्तसेवा
मालवण, ता. १९ : सत् नाम सत्संग मंडळ वायरी भूतनाथ यांच्यावतीने येथे प. पू. सद्गुरू हरी बाबा यांचा पुण्यतिथी कार्यक्रम गुरुवारी (ता. २१) आयोजित केला आहे. यानिमित्त उद्या (ता. २०) सकाळी अभिषेक, होमयज्ञ, सायंकाळी भागवत ग्रंथावर प्रवचन, आरती, गुरुवारी सकाळी सद्गुरू पादुकांना अभिषेक, आरती, दत्त भिक्षा, वीणा सप्ताह, दुपारी महाप्रसाद, हरी बाबांचे चरित्र वाचन, सायंकाळी ३ ते ५ यावेळेत भागवत ग्रंथावर प्रवचन, सायंकाळी श्रीकृष्ण वैश्य महिला मंडळाचे भजन, रात्री गायन, कीर्तन, पहाटे काकड आरती आदी धार्मिक कार्यक्रम साजरे होणार आहेत. या कार्यक्रमांचा लाभ घ्यावा, असे आवाहन केले आहे.