मालवण सातेरी मंदिरात त्रिपुरारी पौर्णिमा उत्साहात

26343

मालवण सातेरी मंदिरामध्ये
त्रिपुरारी पौर्णिमा उत्साहात

सकाळ वृत्तसेवा
मालवण, ता. १९ : शहरातील देऊळवाडा येथील मालवणचे ग्रामदैवत श्री देवी सातेरी मंदिरात त्रिपुरारी पौर्णिमा उत्सव व दीपोत्सव उत्साहात साजरा करण्यात आला. यानिमित्त श्री देव रामेश्वर व नारायण यांची पालखी मिरवणूक व सुमारे २० किलो लोकरीच्या फुलांची माळ, दोन हजार पणत्यांची आरास करण्यात आली.
आई सातेरी नावाची पूर्णपणे लोकरीची बनविलेली स्वागत कमान विशेष आकर्षण ठरली. सध्या प्लास्टिक फुले व इतर साधनांद्वारे आरास करण्याकडे कल असताना देऊळवाडा सातेरी मंदिर येथील युवाईने पर्यावरणाचा संदेश देत केलेली लोकरीची फूल माळ व आई सातेरी नावाची स्वागत कमान आकर्षक लक्षवेधी ठरली. उत्सवानिमित्त परिसरातील युवतींनी गेले महिनाभर मेहनत घेत सुमारे २० किलो लोकरीच्या ८० रंगीत फुलमाळा बनवल्या होत्या. यात २० ते २५ तरुणी सहभागी झाल्या. यासाठी आई सातेरी बालगोपाळ मित्रमंडळाचे सहकार्य लाभले. दोन हजार पणत्यांची आरास करून दीपोत्सव साजरा करण्यात आला. या पालखी सोहळ्यासाठी स्वागत रांगोळी, तसेच आकर्षक विविध संदेश देणारी रांगोळी काढण्यात आली. ग्रामदेवतांच्या पालखी प्रदक्षिणेवर पुष्पवृष्टी करण्यात आली.