श्री भैरी व्याघ्रांबरी मंदिरात देवदिवाळी उत्सव

भैरी व्याघ्रांबरी मंदिरात देवदिवाळी उत्सव

सकाळ वृत्तसेवा
गुहागर, ता. ३ : येथील ग्रामदेवता श्री भैरी व्याघ्रांबरी देवस्थानचा देवदिवाळी उत्सव मोठ्या दिमाखात साजरा करण्यात आला. या निमित्त देवीच्या दर्शनासाठी भाविकांनी मोठी गर्दी केली होती. पहाटे काकड आरती, अभिषेक व पूजा, देवांना रूपे लावण्याचा कार्यक्रम तसेच भाविकांसाठी देवदर्शन, रात्री ठीक १० वाजेपर्यंत गावातील भजनांचा कार्यक्रम, श्री वाघजाई जाखडी नृत्य मंडळ, आगवे-हुमणेवाडी शक्तीवाले शाहीर संदिप हुमणे प्रस्तूत कोकणची लोककला जाखडी नृत्य पार पडले. या निमित्त संपूर्ण मंदिर परिसरात विद्युत रोषणाई करण्यात आली होती. कार्यक्रम यशस्वी करण्याठी श्री भैरी व्याघ्रांबरी देवस्थानचे अध्यक्ष शरद शेटे, सचिव अरूण गुरव, खजिनदार मुरलीधर बागकर व सर्व देवस्थान कमिटी सदस्यांनी मेहनत घेतली.