-साटवलीतील ऐतिहासिक गढी दिव्यांनी उजळली

-rat३p३४.jpg-
२४N२९११२
लांजा ः दिव्यांनी उजळलेली साटवली येथील गढी.
----------

साटवलीतील गढी दिव्यांनी उजळली

देवदिवाळीचे औचित्य ; गांगोवाडी तरुणांचा उपक्रम
सकाळ वृत्तसेवा
लांजा, ता. ३ ः देवदिवाळीचे औचित्य साधून गांगोवाडी येथील तरुणांनी एकत्र येऊन रात्रीच्यावेळी हजारो दिवे पेटवून ते साटवली येथील ऐतिहासिक गढीवर ठेवले. या दिव्यांच्या प्रकाशाने छत्रपती शिवाजी महाराजांच्या पदस्पर्शाने पावन झालेली साटवली गढी उजळून निघाली.
छत्रपती शिवरायांच्या काळात जलमार्गे मालाची ने-आण करण्याच्यादृष्टीने महत्वाची भूमिका बजावणारे व त्या काळात तालुक्यातील प्रमुख व्यापारी केंद्र म्हणून उदयास आलेले साटवली येथील ऐतिहासिक बंदर आणि गढीकडे पुरातत्त्व विभागाचे आणि स्थानिकांचे दुर्लक्ष झाल्याने सद्यःस्थितीत ही गढी अखेरची घटका मोजत आहे; मात्र दुर्गवीर प्रतिष्ठान, शिवगंध प्रतिष्ठान, लांजा व साटवली गावातील स्थानिक ग्रामस्थांच्या संयुक्त विद्यमाने साटवली किल्ला संवर्धनाच्यादृष्टीने स्वच्छतामोहीम राबवण्यात येते. शिवप्रेमाने प्रेरित होत साटवली गांगोवाडीतील तरुणांनी देवदिवाळीच्या निमित्ताने ही गढी हजारो दिव्यांनी प्रकाशित करण्याचा निर्णय घेतला आणि तो प्रत्यक्षात आणला. गांगोवाडीतील तरुण प्रसाद तरळ, प्रकाश कातकर, सौरभ कांबळे, लक्ष्मण तरळ, नितीन तरळ, सखाराम बापेरकर, शिवाजी तरळ, सचिन तरळ यांनी हजारो दिव्यांची आरास गढीवर केली.