पावस-नवलादेवी मंदिराची साफसफाई

पेजे महाविद्यालय विद्यार्थ्यांकडून
नवलादेवी मंदिराची स्वच्छता

पावस, ता. ७ ः शिवार आंबेरे येथील लोकनेते शामराव पेजे महाविद्यालयातील एनएसएस विभागाचे विशेष श्रमसंस्कार निवासी शिबिर बेनी शाळेत सुरू आहे. शिबिरात नवलादेवी मंदिर साफसफाई व नंतर सायबर गुन्हे या विषयावर मार्गदर्शन करण्यात आले. या वेळी लांजा येथील पोलिस निरीक्षक निळकंठ बगळे उपस्थित होते. बगळे यांनी स्वयंसेवकांना सायबर गुन्हे कसे घडतात आणि त्याचे समाजावर विपरित परिणाम कसे होतात, याबाबत मार्गदर्शन केले. राष्ट्रीय रत्नागिरी सेवा योजना विभागाचे रत्नागिरी व सिंधुदुर्ग जिल्ह्याचे जिल्हा समन्वयक डॉ. राहुल मराठे यांनी सदिच्छा भेट दिली. या वेळी प्रा. कल्पना मेस्त्री, अनुप देसाई आदी उपस्थित होते.
----