दाभिल माऊलीचा शुक्रवारी जत्रोत्सव

swt116.jpg
30924
श्री देवी माऊली

दाभिल माऊलीचा
शुक्रवारी जत्रोत्सव
सकाळ वृत्तसेवा
ओटवणे, ता. ११ः दाभिल गावचे ग्रामदैवत श्री देवी माऊली देवस्थानचा वार्षिक जत्रोत्सव शुक्रवारी (ता. १३) साजरा होणार आहे. नवसाला पावणारी आणि माहेरवाशिणींची पाठिराखी अशी माऊलीची ख्याती असल्याने या जत्रोत्सवासाठी भाविकांची अलोट गर्दी होते.
यानिमित्त मंदिरात सकाळी धार्मिक कार्यक्रम आटोपल्यानंतर माऊलीला भरजरी वस्त्र व सुवर्ण अलंकारांसह आकर्षक फुलांनी सजविण्यात येणार आहे. देवस्थान मानकऱ्यांच्या उपस्थितीत देवीची मानाची ओटी भरल्यानंतर दर्शनासाठी रात्री उशिरापर्यंत भाविकांची गर्दी होते. रात्री सवाद्य पालखी मिरवणुकीनंतर उशिरा खानोलकर दशावतार कंपनीचे नाटक होणार आहे. भाविकांनी कार्यक्रमांचा लाभ घ्यावा, असे आवाहन देवस्थानचे मानकरी तसेच दाभिल ग्रामस्थांनी केले आहे.