''ते'' कंत्राटी विज कामगार राणे बंधूंमुळे पुन्हा सेवेत

swt1123.jpg
31005
कुडाळः कंत्राटी कामगार संघटनेचे नेते अशोक सावंत यांच्यासमवेत वीज कंत्राटी कामगार. (छायाचित्र ः अजय सावंत)

''ते'' कंत्राटी विज कामगार
राणे बंधूंमुळे पुन्हा सेवेत
सकाळ वृत्तसेवा
कुडाळ, ता. ११ ः जिल्ह्यातील ५१ कंत्राटी वीज कामगारांना आयटीआय इलेक्ट्रिकल, वायरमन डिग्री नसल्याने
महावितरण कंपनीने सेवेतून कमी केले होते. आमदार निलेश राणे आणि आमदार नितेश राणे यांनी केलेल्या पाठपुराव्यामुळे त्यांना पुन्हा सेवेत घेण्यात आले.
जिल्ह्यात महावितरणकडे सुमारे ५५० कंत्राटी वीज कर्मचारी आहेत. अलीकडे महावितरणने या कंत्राटी कर्मचाऱ्यांना आयटीआय इलेक्ट्रिकल, वायरमनची डिग्री सक्तीची केली आहे. त्यामुळे महावितरणकडे कार्यरत असलेल्या सुमारे ३०० कामगारांना सेवेतून कमी करण्याचा निर्णय घेण्यात आला होता. त्यामुळे या कर्मचारी वर्गात एकच खळबळ उडाली होती. कंत्राटी कामगार संघटनेचे नेते अशोक सावंत यांनी राणे बंधूंचे लक्ष वेधले होते. आमदार निलेश राणे यांच्या सूचनेनंतर कुडाळ विभागातील एकाही कर्मचाऱ्याला कमी करण्यात आलेले नाही तर कणकवली विभागातील ५१ कर्मचाऱ्यांना कामावरून कमी केल्याचे समजताच आमदार नितेश राणे यांनी ठेकेदार आणि महावितरणच्या अधीक्षक अभियंत्यांशी चर्चा केल्यानंतर या कामगारांना तात्काळ कामावर पुन्हा हजर करून घेण्यात आले आहे. त्यामुळे सुमारे ३०० कंत्राटी कर्मचाऱ्यांवरील बेकारीची कुऱ्हाड टळली आहे. या कामगारांनी कुडाळ एमआयडीसी विश्रामगृहात एकत्र येऊन आमदार निलेश राणे, आमदार नितेश राणे यांच्यासह कंत्राटी वीज कर्मचारी संघटनेचे आभार मानले. यावेळी वीज कंत्राटी कामगार संघ जिल्हाध्यक्ष संदीप बांदेकर, समाधान चव्हाण, योगराज यादव, ऋषिकेश पवार, गणेश देसाई, जितेंद्र परब, प्रकाश धुरी, संदेश गावडे, धनंजय देसाई, मंदार गोसावी, रघुनाथ जाधव, गुरुनाथ कुडव यांच्यासह अन्य कर्मचारी उपस्थित होते.

कोट
जिल्ह्यात माजी केंद्रीय मंत्री, खासदार नारायण राणे यांच्या नेतृत्वाखाली कंत्राटी वीज कर्मचाऱ्यांची संघटना गेली १४ वर्षे कार्यरत आहे. या संघटनेच्या माध्यमातून कामगारांना न्याय मिळवून देऊ.
- अशोक सावंत, नेते, कंत्राटी कामगार संघटना