लांजा शाळा

लांजा नं. ५ शाळा विभागात तिसरी

माझी शाळा, सुंदर शाळा अभियान ; जिल्हास्तरावर मांडकी खूर्द प्रथम

सकाळ वृत्तसेवा
रत्नागिरी, ता. ११ ः मुख्यमंत्री माझी शाळा सुंदर शाळा अभियानांतर्गत झालेल्या मुल्यांकनात कोल्हापूर विभागात लांजा येथील जिल्हा परीषद प्राथमिक शाळा नं. ५ ला तृतीय क्रमांक प्राप्त झाला आहे. तसेच जिल्हास्तरावर मांडकी खुर्द शाळेने प्रथम क्रमांक पटकाविला.
सुंदर शाळा हे अभियान ५ ऑगस्ट ते ४ सप्टेंबर २०२४ या कालावधीत राबविण्यात आले होते. त्यानंतर केंद्र, तालुका, जिल्हा, विभाग व राज्यस्तरावरुन या अभियानांतर्गत सहभागी शाळांचे मुल्यांकन करण्यात आले. रत्नागिरी जिल्हास्तरावर दोन गटातील प्रत्येकी तीन क्रमांक काढण्यात आले. शासकीय गटात जिल्हा परीषद शाळा मांडकी खुर्दने (चिपळूण) प्रथम क्रमांक पटकाविला. द्वितीय क्रमांक मळे शाळा (दापोली), तृतीय क्रमांक पूर शाळा (संगमेश्वर) यांना जाहीर झाला आहे. खासगी गटात कडवई महाराष्ट्र उर्दू हायस्कूलने (संगमेश्वर) प्रथम, टाळसूरे इंग्लिश स्कूल (दापोली) द्वितीय, रामेश्वर विद्यालय कोंडगे (लांजा) यांना तृतीय क्रमांक जाहीर झाला आहे. या विजयोत्सवात सहभागी विद्यार्थी, पालक, शिक्षक, मुख्याध्यापक, केंद्रीय प्रमुख, विस्तार अधिकारी यांचे मुख्य कार्यकारी अधिकारी कीर्तीकिरण पूजार यांनी अभिनंदन केले आहे.