''अभाविप'' अधिवेशन कार्यालयास आमदार नीतेश राणेंनी दिली भेट

31131

‘अभाविप’ अधिवेशन कार्यालयास
आमदार नीतेश राणेंनी दिली भेट
सकाळ वृत्तसेवा
सावंतवाडी, ता. १३ः भाजप आमदार नीतेश राणे यांनी अखिल भारतीय विद्यार्थी परिषदेच्या येथील अधिवेशन कार्यालयाला सदिच्छा भेट दिली. अखिल भारतीय विद्यार्थी परिषद कोकण प्रांताचे ५९ वे अधिवेशन २७, २८ व २९ डिसेंबरला येथील भोसले नॉलेज सिटी येथे आयोजित केले आहे. त्यानिमित्ताने राणे यांनी ही भेट दिली.
आमदार राणे यांनी अधिवेशनाची माहिती घेऊन विद्यार्थ्यांशी चर्चा केली. यावेळी भारतमातेची प्रतिमा देऊन त्यांचा गौरव करण्यात आला. या अधिवेशनाला सचिन तेंडुलकर यांना आमंत्रित करण्यासंदर्भात विद्यार्थी परिषदेने त्यांचे लक्ष वेधले. याला सकारात्मक प्रतिसाद आमदार राणेंनी दिला. यावेळी जिल्हा बँक अध्यक्ष मनीष दळवी, अधिवेशन स्वागत समिती सचिव अतुल काळसेकर, व्यवस्था सहप्रमुख डॉ. राजशेखर कार्लेकर, शहरमंत्री स्नेहा धोटे, व्यवस्थाप्रमुख चिन्मयी प्रभू खानोलकर, अवधूत देवधर, तुषार पाबळे, विनीत परब, सौरभ दांडगे, सिद्धेश म्हापसेकर, दिग्विजय पाटील, जयवंत पवार, गौरी वारंग आदींसह भाजपचे तालुकाध्यक्ष रवींद्र मडगावकर, शहराध्यक्ष अजय गोंदावळे, महेश धुरी, माजी नगरसेवक आनंद नेवगी, मनोज नाईक, सुधीर आडिवरेकर, मोहिनी मडगावकर, अंकुश जाधव, गुरुनाथ पेडणेकर, प्रमोद गावडे, ज्ञानेश्वर सावंत, मधू देसाई, प्रवीण देसाई, हनुमंत पेडणेकर, दिलीप भालेकर, संतोष गावस, गुरू मठकर, ओंकार सावंत, संजय नाईक आदी उपस्थित होते. यावेळी आमदार राणेंना पदाधिकारी, कार्यकर्त्यांनी शुभेच्छा दिल्या.