विद्यालयातील कर्मचारी रंगले क्रीडा स्पर्धांमध्ये

- rat१३p७.jpg-
२४N३१३१०
सावर्डे : कॅरम खेळताना महिला कर्मचारी.

कर्मचारी रंमले क्रीडा स्पर्धेत
सावर्डे विद्यालयात उपक्रम ; शारीरिक तंदरुस्तीसह विरंगुळा
सकाळ वृत्तसेवा
सावर्डे, ता.१३ : येथील गोविंदराव निकम माध्यमिक व उच्च माध्यमिक विद्यालय सावर्डेत विद्यालयातील २२ पुरुष व १८ महिला कर्मचारी खेळाडूंनी विविध खेळात सहभाग घेतला.
सावर्डे विद्यालयात झालेल्या स्पर्धांमध्ये बॅडमिंटन क्रीडा प्रकारात पुरुष गटात राजू नाचणकर विजयी तर शिवलिंग सुपनेकर उपविजयी ठरले. बॅडमिंटन महिला गटामध्ये तेजस्विनी किंजळकर विजयी व दुर्वा पाष्टे उपविजयी झाल्या. कॅरम स्पर्धेत पुरुष गटात सुधीर कदम व संदीप पवार हे विजयी झाले आणि महिला गटात संचिता कदम व श्रद्धा सावर्डेकर यांचा गट विजयी झाला. संगीत खुर्ची महिला गटातून अनुजा बागवे, श्रावणी विचारे व दिशा विचारे यांनी यश मिळवले. दैनंदिन शालेय कामकाजातील मानसिक आणि शारीरिक थकवा दूर करून विरंगुळा व शालेय जीवनाला उजाळा त्याचबरोबर मनोरंजन आणि शारीरिक सुदृढता सुधारण्यासाठी कर्मचाऱ्यांच्या बॅडमिंटन, संगीत खुर्ची व कॅरम स्पर्धेचे आयोजन केले होते. विद्यालयातील पुरुष व महिला गट या दोन गटांमध्ये स्पर्धा घेण्यात आल्या. यशस्वी कर्मचारी खेळाडूंचा सन्मान उपमुख्याध्यापक विजय चव्हाण व पर्यवेक्षक उद्धव तोडकर यांच्या हस्ते करण्यात आला. तसेच स्पर्धेमध्ये सहभागी झालेल्या सर्व खेळाडूंचे अभिनंदन राजेंद्र वारे व विजय चव्हाण यांनी केले.