बलस्थाने ओळखून यशाकडे वाटचाल करा

बलस्थाने ओळखून यशाकडे वाटचाल करा
शेखरकुमार अहिरे ; राजापूर विद्यालयात पारितोषिक वितरण
सकाळ वृत्तसेवा
राजापूर, ता. १६ः विद्यार्थ्यांनी स्वतःची बलस्थाने, त्रुटी, क्षमता आणि अडथळे या सर्वांचा विचार करून यशाकडे वाटचाल केली पाहिजे, असे प्रतिपादन राजापूर अर्बन बँकेचे मुख्य कार्यकारी अधिकारी शेखरकुमार अहिरे यांनी केले.
नवजीवन हायस्कूल व कनिष्ठ महाविद्यालय, राजापूर येथे दहावीचा निरोप समारंभ आणि वार्षिक पारितोषिक वितरण सोहळ्याप्रसंगी ते बोलत होते. विद्यार्थ्यांना मार्गदर्शन करताना त्यांनी स्वॉट या संकल्पनेबद्दल माहिती दिली. राजापूर तालुका एज्युकेशन सोसायटीचे अध्यक्ष सुलतान ठाकूर यांच्या अध्यक्षतेखाली झालेल्या या कायर्क्रमावेळी अहिरे यांच्यासह संस्था सदस्य अबूबकर डोसानी, नझीर टोले, प्राचार्य राजेंद्रकुमार व्हनमाने आदी उपस्थित होते.
या कार्यक्रमाची सुरुवात कुराण पठणाने झाली. त्यानंतर नववीच्या विद्यार्थिनींनी हमद आणि अलविदा गीत सादर केले. तसेच विद्यार्थीनींनी मनोगतात शिक्षकांचे असणारे महत्त्व आणि आपल्या आठवणी सांगितल्या. प्रा. जैद बागबान यांनी विद्यार्थ्यांना थोडक्यात मार्गदर्शन केले. तसेच प्रशालेचे प्राचार्य राजेंद्रकुमार व्हनमाने यांनी विद्यार्थ्यांना मार्गदर्शन करताना परीक्षेच्या वेळेला कोणती काळजी घ्यावी, अभ्यास कसा करावा व यशस्वी कसे व्हावे याबाबतीत मार्गदर्शन केले. यावेळी राजापूर तालुका एज्युकेशन सोसायटीचे अध्यक्ष श्री. ठाकूर आणि मान्यवरांनी विद्यार्थ्यांना शुभेच्छा दिला. सूत्रसंचालन आशना होलसेकर आणि खलील खलिफे यांनी केले.