संगीत आयुष्याला प्रेरणा देते

rat16p37.jpg-
45644
सावर्डे ः शारदा अकादमीतर्फे आयोजित स्नेहमेळाव्यात विद्यार्थ्यांना मार्गदर्शन करताना नंदकुमार पंडित.
------------

संगीत आयुष्याला प्रेरणा देते
नंदकुमार पंडित ; शारदा अकादमीतर्फे विद्यार्थ्यांचा स्नेहमेळावा
सकाळ वृत्तसेवा
संगमेश्वर, ता. १६ ः ग्रामीण भागातील सामान्य कुटुंबातील मुलांना आपल्या आवडीच्या विविध कलाक्षेत्रातील कला जोपासून एक उत्तम कलाकार तयार व्हावा, अशा हेतूने शारदा संगीत, साहित्य, कला, क्रीडा अकादमी सावर्डेतर्फे तबला वादन, हार्मोनियम, पखवाज वादन, गायन हे वर्ग घेतले जातात. कारण आयुष्यात प्रेरणा देऊन एकांतात स्वतःला ओळखण्यासाठीचा एकमेव मार्ग म्हणजे संगीत होय. संगीत वर्गात शिकत असलेल्या शिकाऊ मुलांचा स्नेहमेळावा आयोजित केला आहे, असे अकादमीचे अध्यक्ष नंदकुमार पंडित यांनी सांगितले.
सावर्डे येथील संगीत विद्यालयाचा स्नेहमेळावा चिपळूण तालुक्यातील कोंडमळा येथे केशवराव पंडित सभागृहात झाला. यामध्ये विद्यार्थ्यांचे तबला वादन, ढोलकी, पखवाज, संवादिनीवादन आयोजित करण्यात आले होते. आदर्श सेवानिवृत्त शिक्षक अशोक धनावडे यांनी वादन, गायन अशा कला जोपासून कलेतून कलाकार तयार होण्यासाठी अलीकडे सोयी संधी उपलब्ध झाल्याचे सांगितले. या संगीत वर्गाला मार्गदर्शन करणारे दिलीप सकपाळ व मंदा सकपाळ यांनीही शिकणाऱ्या विद्यार्थ्यांकडून सादरीकरण करून घेतले. खेडेगावातील मुलांमधील कलेला प्रोत्साहन मिळावे, यासाठी अशा प्रकारचे संगीत वर्ग शारदा संगीत, साहित्य, कला, क्रीडा, अकादमीतर्फे घेत असल्याचे सचिव चंद्रकांत सावर्डेकर यांनी सांगितले. या वेळी ज्येष्ठ पत्रकार विश्वनाथ पंडित, समाजसेवक नितीन कदम, तबला विशारद दिलीप संकपाळ, हार्मोनियम विशारद मंदा संकपाळ, गौरव पाटकर, नंदकुमार पंडित, चंद्रकांत सावर्डेकर आदी उपस्थित होते.