अल्पसंख्यांक बहुल शाळा महाविद्यालयांना अनुदान

अल्पसंख्यांक बहुल शाळांना अनुदान
सकाळ वृत्तसेवा
रत्नागिरी, ता. २५ ः अल्पसंख्यांक बहुल शासनमान्य खासगी शाळा, कनिष्ठ महाविद्यालये, औद्योगिक प्रशिक्षण संस्था व अपंग शाळांमध्ये पायाभूत सोयीसुविधा पुरवण्यासाठी अनुदान योजनेचा लाभ घेण्यासाठी संबंधित शाळांनी परिपूर्ण प्रस्ताव २७ फेब्रुवारीपर्यंत जिल्हाधिकारी कार्यालय, जिल्हा नियोजन समिती विभागाकडे सादर करावेत, असे आवाहन सहाय्यक जिल्हा नियोजन अधिकारी राजेश गवाणकर यांनी केले आहे.
जिल्ह्यातील धार्मिक अल्पसंख्यांक बहुल शासनमान्य खासगी शाळा, कनिष्ठ महाविद्यालये, औद्योगिक प्रशिक्षण संस्था, नगरपालिका, नगर पालिका शाळा व अपंग शाळा यांच्याकडून १२ पायाभूत सोयीसुविधा व शुद्ध पेयजलाची व्यवस्था करणे, अशा सुविधा पुरवण्यासाठी अनुदान योजनेंतर्गत कमाल १० लाख रुपये अनुदानाचा लाभ घेण्यासाठी विहित नमुन्यात अर्ज मागवण्यात येत आहेत. संबंधित शाळांनी परिपूर्ण प्रस्ताव २७ फेब्रुवारीपर्यंत जिल्हाधिकारी कार्यालयातील जिल्हा नियोजन समिती विभागाकडे सादर करावयाचे आहेत. अपूर्ण प्रस्ताव स्वीकारले जाणार नाहीत, असे आवाहन प्रशासनातर्फे करण्यात आले आहे.
----