-वेल्येवाडीत रंगला ''सिंह सह्याद्रीचा''चा प्रयोग

-rat३p३२.jpg
२५N४८८६२
साखरपा : सिंह सह्याद्रीचा नाटकातील कलाकार.
---
वेल्येवाडीत ‘सिंह सह्याद्रीचा’चा प्रयोग
सकाळ वृत्तसेवा
साखरपा, ता. ४ : परचुरी-वेल्येवाडी येथील नवनिर्माण नाट्यमंडळातर्फे सिंह सह्याद्रीचा या तीनअंकी नाटकाचा प्रयोग रंगला. मंडळाचे हे सुवर्ण महोत्सवी वर्ष आहे. दर्श अमावस्येला नाटक सादर करण्याची मंडळाची परंपरा आहे.
परचुरी वेल्येवाडी येथील नवनिर्माण नाट्यमंडळ नाट्य सादरीकरण परंपरा गेली पन्नास वर्षे जपत आहे. या वाडीत दरवर्षी माघ महिन्यात दर्श अमावस्येला सत्यनारायणाची महापूजा होते. या पूजेनंतर नवनिर्माण नाट्यमंडळ नाटक सादर करते. त्या आधी देवदिवाळीला नाटकाच्या तालिमींना प्रारंभ करण्याचीही परंपरा नाट्यमंडळ जपत आहे. या प्रथेचा प्रारंभ १९७६ साली झाला. १९८५ पासून ऐतिहासिक नाटक सादर केले जाते. यंदा गजानन पांडुरंग परचुरे लिखित सिंह सह्याद्रीचा हे तीनअंकी नाटक सादर करण्यात आले. काशीनाथ वेल्ये आणि किशोर मेस्त्री यांनी हे नाटक दिग्दर्शित केले होते. ऐतिहासिक नाटक सादर करणे ही मोठी जबाबदारी आहे.
---