‘अबू आझमींचे विधानसभा सदस्यत्व तत्काळ रद्द करा’

50292

‘अबू आझमींचे विधानसभा
सदस्यत्व तत्काळ रद्द करा’

कणकवलीत सकल हिंदू समाजाची मागणी

कणकवली, ता.१० : औरंगजेबाची भलावण करणारे समाजवादी पक्षाचे आमदार अबू असीम आझमी यांचे विधानसभा सदस्यत्‍व रद्द करा, अशी मागणी येथील सकल हिंदू समाजाने केली आहे. याबाबतचे निवेदन समाजाच्यावतीने तहसीलदारांना देण्यात आले.
निवेदनात म्‍हटले आहे की, ‘‘अर्थसंकल्पीय अधिवेशनानंतर विधानसभा आवारात, प्रसार माध्यमांशी बोलताना औरंगजेब बादशाह उत्तम शासक होता. तो क्रूर नव्हता, असे विधान समाजवादी पक्षाचे आमदार अबू असीम आझमी यांनी केले होते. हे विधान सामाजिक समरसता बिघडवणारे आहे. तरी त्यांचे विधानसभा सदस्यत्व कायमचे रद्द व्हावे. त्यांच्यावर देशद्रोहाचा गुन्हा दाखल करावा.’’ निवेदन देताना नांदगाव सरपंच भाई मोरजकर, प्रदीप हरमलकर, राजू तांबे, कृष्णा वायंगणकर, हेमंत वायंगणकर, शुभंम देसाई, कमलाकर पाटील, श्रीराम मोरजकर, मारुती मोरये, संदीप पाटील, अनंत परब, बापू पोकळे, तुषार कुडतरकर, प्रकाश खरात आदी उपस्थित होते.