राजापूर अर्बनच्या अध्यक्षपदी संजय ओगले

P२५N५०४३७
-rat१०p४२.jpg
ः राजापूर ः राजापूर अर्बन बँकेचे नूतन अध्यक्ष संजय ओगले आणि उपाध्यक्ष विजय पाध्ये यांचे पुष्पगुच्छ देऊन अभिनंदन करताना माजी अध्यक्ष अनामिका जाधव, माजी उपाध्यक्ष विवेक गादीकर.
-----
राजापूर अर्बनच्या अध्यक्षपदी ओगले
निवड बिनविरोध ; उपाध्यक्षपदी विजय पाध्ये
सकाळ वृत्तसेवा
राजापूर, ता. १० ः राजापूर अर्बन बँकेच्या अध्यक्ष आणि उपाध्यक्षपदाची निवडणूक बिनविरोध झाली. त्यात सत्ताधारी सर्वपक्षीय सहकार पॅनेलचे संजय ओगले यांची अध्यक्षपदी तर विजय पाध्ये यांची उपाध्यक्षपदी निवड झाली.
राजापूर अर्बन बँकेवर सर्वपक्षीय सहकार पॅनेलचे वर्चस्व असून, सहकार पॅनेलकडून पाच वर्षासाठी सर्वपक्षीय संचालकांना अध्यक्ष व उपाध्यक्षपदी संधी देता यावी यासाठी एक धोरण निश्‍चित करून अध्यक्ष व उपाध्यक्षांचा कार्यकाळ निश्‍चित करण्यात आला होता. त्याप्रमाणे सहकार पॅनेलकडून अनामिका जाधव यांना अध्यक्षपदासाठी तर उपाध्यक्षपदासाठी विवेक गादीकर यांना संधी देण्यात आली होती. या दोघांनीही आपली मुदत संपल्याने आपापल्या पदांचे राजीनामे दिले होते. संचालक मंडळाच्या बैठकीत ते मंजूर करून पुढील कार्यवाहीसाठी सहकार विभागाकडे पाठवण्यात आले होते.
निवडणूक निर्णय अधिकारी तथा सहाय्यक निबंधक अविनाश इंगळे यांच्या अध्यक्षतेखाली आणि बँकेचे मुख्य कार्यकारी अधिकारी शेखरकुमार अहिरे यांच्या उपस्थितीत आज झालेल्या बैठकीमध्ये अध्यक्ष आणि उपाध्यक्षपदाची निवडणूक झाली. बँकेच्या संचालक मंडळावर वर्चस्व असलेल्या सत्ताधारी सर्वपक्षीय सहकार पॅनेलमध्ये यापूर्वी अध्यक्षपदासाठी ओगले तर उपाध्यक्षपदासाठी पाध्ये यांची नावे निश्‍चित करण्यात आलेली होती. त्याप्रमाणे अध्यक्ष म्हणून ओगले तर, उपाध्यक्षपदी पाध्ये यांची बिनविरोध निवड झाली.