लायन्सच्या श्रेया केळकर आंतरराष्ट्रीय पुरस्काराने सन्मानित

-rat११p२०.jpg-
२५N५०५८१
रत्नागिरी : लायन्स क्लबच्या श्रेया केळकर यांना आंतरराष्ट्रीय पुरस्कार प्रदान करताना प्रांतपाल ॲड. एम. के. पाटील.
----------
‘लायन्स’च्या श्रेया केळकर यांचा
आंतरराष्ट्रीय पुरस्काराने सन्मान
सकाळ वृत्तसेवा
रत्नागिरी, ता. १२ : लायन्स इंटरनॅशनलच्या प्रांत ३२३४ ड १ मधील कोकण विभागातील उपविभाग ३च्या उपविभागीय प्रमुख श्रेया केळकर यांना लायन्स इंटरनॅशनलच्या झोन चेअरमन या विभागातील सर्वोच्च पुरस्कार प्रदान करण्यात आला.
लायन्स इंटरनॅशनलच्या प्रथेनुसार वर्षभर केलेल्या कामाचे योग्य ते निरीक्षण करून लायन्स इंटरनॅशनलतर्फे दिला‌ जाणारा हा पुरस्कार पुढील वर्षात घोषित केला जातो. कोकण विभागीय परिषदेत प्रांतपाल ॲड. एम. के. पाटील यांच्या हस्ते तो केळकर यांना प्रदान केला. केळकर यांच्या उपविभागात लायन्स क्लब ऑफ रत्नागिरी, संगमेश्वर, देवरूख, हातखंबा रॉयल व न्यू रत्नागिरी या पाच क्लबचा समावेश आहे. या मार्फत वर्षभर विविध उपक्रम राबवले. त्यामुळे प्रांतात हे क्लब टॉप १० मध्ये होते. होम क्लबचे म्हणजेच लायन्स क्लब ऑफ रत्नागिरीचे विशेष मोलाचे सहकार्य व‌ योगदान मिळाल्याचे केळकर यांनी सांगितले. त्यासाठी तत्कालीन अध्यक्षा शिल्पा पानवलकर, सचिव संजय पटवर्धन, खजिनदार श्रद्धा कुळकर्णी, टीमचे आभार मानले.
---