''पालकमंत्री राणेंचे वागणे जातीय तेढ निर्माण करणारे''

swt142.jpg
51121
बाबुराव धुरी

‘पालकमंत्री राणे यांचे वागणे
जातीय तेढ निर्माण करणारे’
सकाळ वृत्तसेवा
दोडामार्ग, ता. १४ः पालकमंत्री नितेश राणे यांचे मुस्लिम समाजाविरोधातील वागणे जातीय तेढ निर्माण करणारे आहे, असे ठाकरे शिवसेनेचे जिल्हाप्रमुख बाबुराव धुरी यांनी दिलेल्या पत्रकात म्हटले आहे. मुस्लिम समाजाच्या पाठीशी ठाकरे शिवसेना कायम असेल, असेही त्यांनी नमूद केले आहे.
ओरोस येथे असलेला गादी कारखाना हटविल्यानंतर धुरी यांनी पालकमंत्री राणेंवर टिका केली आहे. त्यांनी दिलेल्या पत्रकात म्हटले आहे की, अल्पसंख्यांक समाज कायमच हिंदू बांधवांचा आदर करत आला आहे. त्यांना आम्ही वाऱ्यावर सोडणार नसून त्यांनी एकटे असल्याचे वाटून घेवू नये. जिल्ह्यात हिंदू-मुस्लिम सलोख्याने राहत आहेत. ओरोस येथील संबंधित पीडित कुटुंबियाची आम्ही भेट घेणार आहोत. याबाबत जिल्हाधिकाऱ्यांना निवेदन सादर करणार करुन त्या बांधवाला न्याय देण्याची मागणी करणार असल्याचे धुरी यांनी पत्रकात म्हटले आहे.