साहस प्रतिष्ठान दिव्यांग विकास प्रशिक्षण केंद्राला १० डेक्स भेट
51928
साहस प्रतिष्ठान दिव्यांग विकास
प्रशिक्षण केंद्राला १० डेक्स भेट
सकाळ वृत्तसेवा
सावंतवाडी, ता. १८ः निशिकांत कामत चॅरिटेबल ट्रस्ट मुंबई व सामाजिक बांधिलकी प्रतिष्ठानच्या पुढाकारातून शहरातील साहस प्रतिष्ठान दिव्यांग विकास व प्रशिक्षण केंद्रातील दिव्यांग विद्यार्थ्यांसाठी १० डेक्स भेट दिल्या.
‘सामाजिक बांधिलकी’चे अध्यक्ष प्रा. सतीश बागवे यांची सुकन्या आर्किटेक्ट समिता सावंत हिने आपला वाढदिवस दिव्यांग विद्यार्थ्यांसोबत साजरा करून विद्यार्थ्यांसाठी भेटवस्तू दिल्या होत्या. त्यावेळी साहस प्रतिष्ठानचे अध्यक्षा रुपाली पाटील यांनी विद्यार्थ्यांसाठी १० डेक्स उपलब्ध करून देण्याची विनंती केली होती. त्यांच्या या विनंतीला मान ठेवून संस्थेच्या सदस्या शरदिनी बागवे यांच्या पुढाकारातून गिरीश कामत व सुनील कामत यांच्यामार्फत निशिकांत कामत चॅरिटेबल ट्रस्ट मुंबई यांच्याकडून सुमारे २०,००० रुपये किंमतीचे दहा डेक्स उपलब्ध करून देण्यात आले.
या प्रशिक्षण केंद्रामध्ये एकूण ६५ विद्यार्थी-विद्यार्थिनी शिक्षण घेत आहेत. याची दखल घेऊन सामाजिक बांधिलकी प्रतिष्ठानच्या माध्यमातून हा उपक्रम राबवण्यात आला. यावेळी समाजिक बांधिलकीचे अध्यक्ष प्रा. सतीश बागवे, साहस प्रतिष्ठानच्या अध्यक्षा रुपाली पाटील, शरदिनी बागवे, रुपा मुद्राळे, समिता सावंत, रवी जाधव, प्रवीण सूर्यवंशी, विशेष शिक्षिका विदिशा सावंत, सदस्या द्रोपती राऊळ आदींसह पालक प्रतिनिधी तनया भोगण उपस्थित होते. दिव्यांग केंद्र अध्यक्षा पाटील यांनी सामाजिक बांधिलकी प्रतिष्ठान व कामत ट्रस्ट मुंबई यांचे आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.