तुरळ येथे अपघातात २ दुचाकीस्वार ठार

तूरळ येथील अपघातात दोघे ठार
दोन दुचाकीची धडक
तुरळ येथे अपघातात २ दुचाकीस्वार ठार
समोरासमोर धडकल्या ; एकाचा जागीच मृत्यू
सकाळ वृत्तसेवा
संगमेश्वर, ता. १८ : संगमेश्वर तालुक्यातील तुरळ हरेकरवाडी स्मशानभूमीसमोर मुंबई-गोवा राष्ट्रीय महामार्गावर दोन दुचाकींचा अपघात झाला. या अपघातात दोन्ही दुचाकीस्वारांचा मृत्यू झाला. हा अपघात सोमवारी (ता.१७) रात्री साडेआठच्या सुमारास झाला. अपघातात मृत दोन्ही तरुणांच्या कुटुंबीयांवर शिमगोत्सावात दुःखाचा डोंगर कोसळला आहे. मृत्यू झालेला एक तरुण तुरळ येथील तर दुसरा धामापूर येथील आहे.
सूरज राजाराम फडकले (वय २८, रा. हरेकरवाडी, तुरळ) हा दुचाकी घेऊन तुरळ येथून आरवलीकडे जात होता, तर संदेश सखाराम भोजने (वय ४०, रा. ओसेवाडी, धामापूर) हा दुचाकी घेऊन आरवली येथून तुरळ येथे जात असताना महामार्गावरील तुरळ हरेकरवाडी स्मशानभूमीसमोर दोन्ही दुचाकी समोरासमोर धडकल्या. या भीषण अपघातात संदेश भोजने याचा अपघातस्थळीच मृत्यू झाला, तर सूरज फडकले याचा संगमेश्वर ग्रामीण रुग्णालयात मृत्यू झाल्याची माहिती संगमेश्वर पोलिसांनी दिली. अपघाताची माहिती मिळताच संगमेश्वर पोलिसांनी पंचनामा केला. अपघाताची घटना कळताच संगमेश्वर ग्रामीण रुग्णालयात दोन्ही मृत तरुणांचे नातेवाईक तसेच ग्रामस्थांनी गर्दी केली होती.
--