तेर्ये ग्रामस्थांकडून प्रमिला म्हैसकर यांचा सत्कार

प्रमिला म्हैसकर यांचा सत्कार
सकाळ वृत्तसेवा
संगमेश्वर, ता. २५ ः वाघजाई ग्रामदेवता पालखी उत्सवावेळी तेर्ये (बुरंबी) येथील सेवाव्रती महिला प्रमिला श्रीकांत म्हैसकर (वय ८७) यांचा तेर्ये ग्रामदेवतेचे ट्रस्टी प्रकाश दळवी यांच्या हस्ते सत्कार करण्यात आला.
म्हैसकर या गेली पन्नास वर्षे सातत्याने सेवा म्हणून दशक्रोशीमधील, तालुक्यातील तसेच महाराष्ट्रातील अनेक जिल्ह्यांमधील लोकांना काविळवरील आयुर्वेदिक औषध अव्याहतपणे देत आहेत. या औषधाने अनेक माणसे बरी झाली. कुटुंबासोबत समाजात राहताना सामाजिक बांधिलकी म्हणून समाजाचं देणं लागतो, ही तळमळ ठेवून सर्व जातीधर्माच्या लोकांना त्यांनी समाजसेवा सुरू केली. आजपर्यंत काविळीच्या हजारो रुग्णांना या औषधाचा गुण आला आहे.