कुरंगवणेत गोठा जळून शेतकऱ्याचे मोठे नुकसान

swt253.jpg
53357
कुरंगवणे ः पवारवाडी येथील गोठा जळून खाक झाला. नुकसानीची पाहणी करताना सरपंच पप्पू ब्रम्हदंडे. (छायाचित्र ः एन. पावसकर)

कुरंगवणेत गोठा जळून
शेतकऱ्याचे नुकसान
सरपंच, तलाठी यांनी भेट देऊन केला पंचनामा
सकाळ वृत्तसेवा
तळेरे, ता. २५ : कुरंगवणे पवारवाडी येथील शेतकरी प्रकाश पवार यांच्या मालकीचा पवारवाडी येथे असलेला गुरांचा गोठा रविवारी (ता. २३) सकाळी ११.३० च्या दरम्यान लागलेल्या आगीत जळून खाक झाला.
सुदैवाने गोठ्यात जनावरे नसल्याने कोणतीही जीवित हानी झाली नाही. गोठ्याला लागलेल्या या आगीमुळे पवार यांचे सुमारे १ लाख रुपयांचे नुकसान झाले. या घटनेची माहिती मिळताच कुरंगवणे सरपंच पप्पू ब्रम्हदंडे यांनी पवारवाडी येथे घटनास्थळी तातडीने भेट देऊन पाहणी केली. तसेच पवार यांची भेट घेऊन त्यांना दिलासा दिला. तलाठी श्रीमती अग्निहोत्री यांनी घटनास्थळाची पाहणी करून पंचनामा केला. यावेळी सरपंच ब्रम्हदंडे, ग्रामपंचायत सदस्य विशाखा राऊत, ग्रामस्थ रवींद्र पवार, संदीप पवार आदी मान्यवर व पदाधिकारी उपस्थित होते.