चिपळुणातील सामाजिक सलोखा कायम ठेवा

-ratchl२६१.jpg ः
२५N५३७०४
चिपळूण ः शांतता समितीच्या बैठकीत मार्गदर्शन करताना उपअधीक्षक राजेंद्रकुमार राजमाने.
----
चिपळुणातील सलोखा कायम ठेवा
राजेंद्रकुमार राजमाने ः शांतता कमिटीची बैठक
सकाळ वृत्तसेवा
चिपळूण, ता. २७ ः सण, उत्सव साजरे करताना कायदा व सुव्यवस्थेचा प्रश्न निर्माण होईल, असे कोणतेही वर्तन करू नये. सोशल मीडियावर एखादी पोस्ट करताना सामाजिक सलोखा तसेच धार्मिक भावना दुखावणार नाही, याची खबरदारी सर्वांनी बाळगावी. कोणीही अफवांवर विश्वास ठेवू नये, असे आवाहन उपविभागीय पोलिस अधिकारी राजेंद्रकुमार राजमाने यांनी शांतता कमिटीच्या बैठकीत केले.
चिपळूण तालुका शांतता कमिटीची बैठक झाली. या वेळी राजमाने म्हणाले, सण, उत्सव आनंदाने साजरे करून शांततेत पार पडायला हवेत. चिपळूण तालुक्यात नेहमीच जातीय सलोखा जपला जात आहे. येथे सर्वच जातीधर्मातील लोक हे गुण्यागोविंदाने राहात आले आहेत. हाच वारसा पुढेही जपला जाईल, हीच शिकवण इथल्या नागरिकांची असल्याचे सांगितले. या वेळी विविध राजकीय पदाधिकाऱ्यांनी भूमिका मांडल्या. बैठकीला पोलिस निरीक्षक फूलचंद मेंगडे, सचिन सावंत, भारत पाटील, जिल्हा शांतता समितीचे शौकत मुकादम, प्रतापराव शिंदे, उमेश सकपाळ, विनोद झगडे आदी उपस्थित होते.