नेमबाजी स्पर्धेमध्ये शिवमला कांस्यपदक

swt274.jpg
53800
शिवम चव्हाण

नेमबाजी स्पर्धेमध्ये
शिवमला कांस्यपदक
सकाळ वृत्तसेवा
सावंतवाडी, ता. २७ः डेरवण-रत्नागिरी येथे झालेल्या ‘डेरवण युथ गेम्स’मध्ये शिवम चव्हाण याने नेमबाजीमध्ये कांस्यपदक पटकावले. ही स्पर्धा १० मीटर पीप साईट, १० मीटर ओपन साईट आणि १० मीटर एअर पिस्तूल प्रकारात घेण्यात आली. यात सावंतवाडी मिलाग्रीस हायस्कूलचा विद्यार्थी शिवम चव्हाण याने १४ वर्षांखालील गटात पीप साईट प्रकारात ४०० पैकी ३८७ गुण मिळून कांस्यपदक पटकावले. तो सावंतवाडी येथील उपरकर शूटिंग अॅकॅडेमी येथे नेमबाजीचा सराव करत असून त्याला प्रशिक्षक कांचन उपरकर, विक्रम भांगले यांचे मार्गदर्शन लाभले. शिवम याचे सिंधुदुर्ग जिल्हा क्रीडा कार्यालय तसेच सिंधुदुर्ग जिल्हा शूटिंग असोसिएशनच्या सर्व पदाधिकाऱ्यांनी अभिनंदन केले व पुढील स्पर्धेसाठी शुभेच्छा दिल्या.