क्राईम

युवतीचा विनयभंग, दोघे अटकेत
खेड ः जिल्ह्यातील एका गावातील अल्पवयीन युवतीचा विनयभंग करत ब्लॅकमेल केल्याप्रकरणी रोशन धोत्रे (वय २८), सूरज सुरेश पाटील (वय १८) या दोघांना येथील पोलिसांनी बुधवारी रात्री अटक केली. दोघांनाही गुरुवारी न्यायालयासमोर हजर करण्यात आले असता संशयिताची न्यायालयीन कोठडीत रवानगी करण्यात आली. ही घटना फेब्रुवारी २०२४पासून आतापर्यंत घडल्याचे पीडित युवतीने पोलिस ठाण्यात दिलेल्या तक्रारीत नमूद केले आहे. पीडित युवतीशी ओळख झाल्यानंतर वर्षभरापासून त्यांचे बोलणे व गाठीभेटी सुरू होत्या. या दरम्यान, दोघांनीही विनयभंग करत अश्लील वर्तन केल्याचेही तक्रारीत म्हटले आहे. या प्रकरणी दोघांवर विनयभंगासह ब्लॅकमेल केल्याप्रकरणी गुन्हा दाखल करत रात्री उशिरा दोघांवर येथील पोलिसांनी अटकेची कारवाई केली. या दोन्ही संशयितांचे मोबाईलही पोलिसांनी जप्त केले. अधिक तपास पोलिस निरीक्षक नितीन भोयर करत आहेत.
---